قران الغيرة المنزل على صدور السيوف

شعر منقول:

عجيبه شلون ما تنمل

وعجيبه شلون ساكن بالكلوب وكلشي يتبدل

بشخصك حيرتني وحقي من احتار

مو اول بشر باسرارك تمشكل

يمضيع عوارف تشهدلهه دروب

شيدليني بيك وانه ما اندل

نبي وعكدت لسانه يحلهه رب الكون

انه بمدحك عكدتي ولا اظن تنحل

ردت ابدي بجمالك كلت هاي تصير

شاعر وبجمالك اكدر اتغزل

شفتك تبتعد عن الاوصاف بعيد

وانته من الجمال المنوصف اجمل

كالوا بالكرم لو ردت تبدي وياه

موضوع الكرم لاهل الحجي يسهل

وبديت وورطوني وما كدرت لهاي

شفت الكرم يمك جاي يتوسل

سمعته يسولف ويمدح ويلهج بيك

وسمعت الكرم عن مسئلة يسئل

منو قبله بشر صاروا ضيوفه سيوف

مدلهم ركبته وللأجو وكل

يا قران غيرة الما تحمله صدور

علصدور السيوف الباشطه تنزل

بسملتك شجاعة ومنحرك تصديق

واياتك عزم بالحرب تترتل

يقربان العله جفين زينب صار

اورفعته بخشوع وصاحت تقبل