منتديات أنصار الإمام المهدي ع


انضم إلى المنتدى ، فالأمر سريع وسهل

منتديات أنصار الإمام المهدي ع
منتديات أنصار الإمام المهدي ع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ثارك ياشهيد بدمي يسري

2 مشترك

اذهب الى الأسفل

ثارك ياشهيد بدمي يسري Empty ثارك ياشهيد بدمي يسري

مُساهمة من طرف صقر الصقور الأحد 11 مايو 2008 - 12:07

ثارك ياشهيد بدمي يسري

لازم اخذه وانطيك عمري



الاصرار منك مجتبى صار

عنوان الابه و انته والعلامه

يارمز الكرامة ولاء الحسين

اسد طايح جريح بلا حسامه

يااوضح مثال لارض الطفوف

يا اعظم نصر بالدم ختامه

محتاجك يخوية وابقه انعاك

صرنه بعد فكدتكم يتامه



ثارك ياشهيد بدمي يسري

لازم اخذه وانطيك عمري



جلال من انتفض بجه السماوات

ركض علموت يصيح الذلة هيهات

شد عللعدى وما دنك الراس

فات ودنكت رهبة الرصاصات

شبك علموت وكله اليوم وياك

اروح لفاطمة واشكي الظلامات

صاحت يا هله وكل الهله بيك

يبني اشتاقت لجيتك الجنات



ثارك ياشهيد بدمي يسري

لازم اخذه وانطيك عمري





يا مشتاق فكدك هدم الحيل

ظهري انكسر ياابواحمد يخويه

قاذفتك تناشدني والدروب

وين الجان ميهاب المنية

ليش الدرع يفتر ماله صكار

وليش الهمر تفتر الاجنبية

المرقط كثر من رحت يا حيد

لان من طحت كالو هاي هيه



ثارك ياشهيد بدمي يسري

لازم اخذه وانطيك عمري



يا سيد ابو محمد الك ثار

عهد لازم تجيبه بدمهه الانصار

حسينية التهدمت نست الجروح

ركضت على جروحك والكلب فار

ولكتك شهيد وصاحت بصوت

يسيد منهو شب بجسمك النار

واجت كبتهه تمسح جرحك تكول

جبت المنبرانهض ولقي الاشعار



ثارك ياشهيد بدمي يسري

لازم اخذه وانطيك عمري



يا عباس عفيه وثلتنعام

ما هزك درعهم صدك ضرغام

وسط الجزرة واكف حارت عداك

وتذكروا بطف كربله جسام

يا عمر الورد من طحت عالكاع

تمدد يمك بكترك الاسلام

من جتلك اخوتك صوتك يصيح

فزت هذي الشهادة وهذا الختام



ثارك ياشهيد بدمي يسري

لازم اخذه وانطيك عمري



علي صاحب بطل لمن هوى وطاح

ظل يبجي الرصيف ويبجي السلاح

دمك مو نزف لكن زحف جيش

لان دمك فضح مرجع وسفاح

من وجهك تفر عداك لاوين

اذا روحك غدت الاف الارواح

دمك نور لليريد الانوار

وبليل الظلم ضويته مصباح



ثارك ياشهيد بدمي يسري

لازم اخذه وانطيك عمري



يافاضل شكول واوصفك بيش

اذا كلك عزم ما همك الجيش

جرحك ما يطيب ويبقه بالروح

ولا يهنه يخويه بعدك العيش

انت اللي يسر شوفتك الاحساس

وعد ثارك نجيبه وحك عباس

تبجي الخطبة خوية عليك وتنوح

عليك الجمعة ياثورة وينبراس



ثارك ياشهيد بدمي يسري

لازم اخذه وانطيك عمري
صقر الصقور
صقر الصقور
انصاري
انصاري

عدد الرسائل : 208
العمر : 51
نقاط : 0
السٌّمعَة : 0
تاريخ التسجيل : 03/03/2008

الرجوع الى أعلى الصفحة اذهب الى الأسفل

ثارك ياشهيد بدمي يسري Empty السلام على الشهداء

مُساهمة من طرف المديرالعام الإثنين 12 مايو 2008 - 8:47

بسم الله الرحمان الرحيم
اللهم صل على محمد وآل محمد الأئمة والمهديين وسلم تسليما

السلام على أفضل خلق الله بعد الأنبياء والأئمة والمهديين
السلام على من هم أفضل من الشهداء مع الحسين ع
السلام على من هم أفضل من شهداء الجمل وصفين مع علي ع
السلام على من هم افضل من شهداء بدر وأحد وخيبر

السلام على من وصفهم الأئمة وبأنهم نعم العدة وقالوا بأبي هم من عدة

الحمد لله الذي جعلنا نصل زمانهم

إن وجود هؤلاء الشهداء في زماننا شهداء الإمام المهدي ع
لهو سعادة ما بعدها سعادة
يا أيها الناس نحن في عصر شهداء الإمام المهدي ع انها اذن إقتربت الساعة وأنشق القمر
لقد والله بدمائهم قدقربوا الساعة أقرب وأقرب
فأبشروا أيها الصابرون المنتصرون يا أنصار الإمام المهدي ع
يعجز لساني عن وصف الحقائق

بوركت يا أخينا قد ذكرتنا بشهدائنا والله هم لم تفارق صورهم ذاكرتنا والحمد لله رب العالمين
المديرالعام
المديرالعام
مدير عام المنتدى
مدير عام  المنتدى

عدد الرسائل : 284
العمر : 42
نقاط : 0
السٌّمعَة : 0
تاريخ التسجيل : 21/11/2006

http://www.almahdyoon.org

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى